Të nderuar qytetarë!

Zgjedhjet e 8 Dhjetorit më sollën në pozitën e Kryetarit të Komunës se Malishevës! Ato ishin vota e drejtëpërdrejtë e Juaja qytetarë të nderuar! Unë nga kjo datë jamë njeriu më i priveligjuar që ka pas  Komuna e Malishevës ndonjëherë-kjo me besimin Tuaj. Por,kjo më bënë edhe njeriun më të ngarkuar me obligime, më të përgjegjëshmin, për këtë jam i vetëdijshëm.

Është pikërisht besimi i Juaj që të u siguroj për një sjellje të përgjegjshme që do të kemë, për angazhim maksimal, për një përpjekje titanike që do të kem për të arsyetuar besimin e dhënë. Jam i sigurt në vetën time i sigurt në mbështetjen e bashkëpunëtorëve dhe qytetarëve të Malishevës dhe i sigurt në mbeshtetjen e Qeverisë së Kosovës të drejtuar nga Z.Hashim Thaçi.

Malisheva është krenare me të kaluarën saj. Ajo i dha kombit dhe historisë se saj ngjarje të rëndësishme, beteja, luftëra i dha dëshmorë. Lufta e fundit e udhëhequr nga UÇK-ja i dha lavdinë Malishevës dhe Kosovës në përgjithësi. Nënat Malishevase i dhan Kosovës për të fituar lirinë e saj 70 dëshmorë të kombit, mbi 300 martirë dhe dhjetra të zhdukur. Ekonomia e familjeve malishevase tërësisht e shkatërruar. Por, lirua u fitua!

Periudha e pasluftës për Malishevën solli ndryshime të mëdha. Ato ishin që nga  pluralizmi politik, konstituimi i njësisë Komunale me qendër Malishevën, rindërtimin e vrullshëm të shtëpive të banimit për 45 fshatrat e saj, ndërtimin e dhjetëra shkollave, shtëpisë së shëndetit, ujësjellsave, rrugëve të asfaltuara, trotuareve e shumë projekte tjera të infrastructurës. Por, Malishevasit kanë ende nevoja të shumta.Janë edhe disa objekte të shkollave që presin për të u ndërtuar si ajo në Mleqan/Rrezor/,Tërpezë, Gurishtë, janë disa që presin për të u renovuar e zgjeruar një object tjetër për nxënësit e shkollës së mesme në qendër etj. Shumë fshatra kanë nevojë për ujësjellës e rrjete kanalizimi, disa të tjera për asfaltim të rrugëve shumë prej tyre për rrjet të ri elektrik. Malishevasit kanë nevojë të domosdoshme ndërtimin e Shtëpisë së Kulturës dhe një palestre sportive të fushës së futbollit të madh dhe fushave sportive në oborret e shkollave.
Për shumë prej këtyre kërkesave unë u kam premtuar, qytetarë të nderuar, të i përmbushi gjatë mandatit tim dyvjeqar. Për këtë kërkoj edhe mbështetjen Tuaj ashtu siq e keni dhënë deri më tani.

Të nderuar bashkëvendas të mi! Papunësia është plaga më e rëndë e Malishevës dhe Kosovës në përgjithësi. Kjo edhe është mundësia më e pakët që unë do u siguronja se do të zgjidhej gjatë mandatit tim. Kosova pas luftës kaloj një fazë jo të dëhirueshme pë ne. Ajo për 8 vite ishte pa status të zgjidhur. Mundësia apo interesimi për të hyrë kapitali i huaj në Kosovë ishte i vogël, mbështetje nga institucionet ndërkombëtare nuk kishte papunesia erdhi duke u rritur. Tani kur po ua adresoj këtë mesazh është fund i muajit janar 2008 dhe jemi duke jetuar me shpresën se muaji Shkurt do të sjell edhe zgjidhjen e statusit te Kosovës. Kjo do të hapi përspektivë të paparë për popullin e Kosovës. Për këtë edhe kemi luftuar apo jo?
Qytetarë të mi, jam i nderuar me besimin Tuaj-jam i sigurt se pas dy vitesh nga sjellja  dhe punët e kryera do të rris besimin! Jufaleminderit!
 
Kryetari i Komunës së Malishevës, Isni Kilaj-ecc.i dipl.